أستحلفك بالله ألا ترحل قبل أن تدعو بهذا من قلبك .. اللهم فك أسر المستضعفين فى فلسطين وغزه وأنصرهم يا رب العالمين اللهم وفق طلاب المسلمين واللهم بفضلك وفق جميع طلاب المنتدى فى الإمتحانات .. انك ولى ذلك والقادر عليه

المواضيع الأخيرة

» هو في ايه بيفضل علي حالو ؟؟
الجمعة سبتمبر 16, 2011 4:15 am من طرف omnia hassan

» قصه مرعبه خلي بالك
الأربعاء سبتمبر 14, 2011 12:17 am من طرف totti

» الولد وشجرة التفاح
الإثنين سبتمبر 12, 2011 10:46 pm من طرف totti

» فوازير وحلها
الإثنين سبتمبر 12, 2011 7:15 pm من طرف totti

» عيد ميلاد نواره المنتدي
الإثنين سبتمبر 12, 2011 6:43 pm من طرف omnia hassan

» تــــــــــــــــــرحــــيـــــــــــــــــب
الأربعاء سبتمبر 07, 2011 5:29 pm من طرف omnia hassan

» حبة رومانسية
الأربعاء سبتمبر 07, 2011 4:42 pm من طرف omnia hassan

» احن لطفولتي
الأربعاء سبتمبر 07, 2011 2:40 pm من طرف admin

» الكافية الملعون
الأربعاء سبتمبر 07, 2011 1:39 pm من طرف omnia hassan

تصويت

دخول

لقد نسيت كلمة السر

المتواجدون الآن ؟

ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 14 بتاريخ الجمعة يناير 04, 2013 9:00 am


    يوميات واحد وخلاص بيحب بنت ستايل

    شاطر
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    يوميات واحد وخلاص بيحب بنت ستايل

    مُساهمة من طرف مصطفى محمد فتحى في الجمعة يناير 30, 2009 6:35 pm

    انا جايبلكم قصه يارب تعجبكم

    وهايكون معانا فى القصه

    واحد وخلاص : أحـمــــــــد

    البنت الاستايل : نــــور

    القصه طويله جدا

    فانا هاقوم بتقسيمها لحلقات


    ونبدأ مع بعض الحلقه الاولى



    احمد: لو سمحتي حضرتك...ممكن براية

    نور: ههههههههههههههههههههههههههه

    احمد :حضرتك بتضحكي على ايه ممكن اعرف يعني لو سمحتي

    نور : مش عيب شاب في سنك يطلب براية ..ده احنا في جامعة

    احمد : طيب معاكي شفرة...عشان المحاضرة هتبدأ خلاص

    نور : ايييييه..ايه شفرة دي..ممكن تسكت لو سمحت

    احمد : حد معاااااااه براااااااااية....او قلم زيااااااادة..ردوا

    نور: انت اكيد مجنون وطي صوتك الطلبة كلها بتضحك عليك

    احمد :ويضحكوا ليه ولاد الدزمة دووووووووول

    نور: خلاص خلاص انا هنقل المحاضرة وبعدين اديلك تصورها

    احمد :شكرا بس انقلي كويس ..وياريت تنظمي الكراسة

    (اثناء ما المحاضرة شغالة ونور شغالة كتابة واحمد هيموت عشان مش معاه قلم)

    احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري ... يادي النيلة عليا وعلى الجامعة

    نور : انت مالك ومال خطي مش كفاية هديلك تنقل مني وهتعطل انا

    احمد : ليه وانتي عربية اصلك علشان تتعلطي..هما البنات متعطلين خلجة

    نور : انت انسان قليل الادب...وبجد مش بتعرف تكلم البنات ازاي

    احمد : لأ يا شيخة والنبي المرة الجاية تبقي تجيبيلي الكتالوج بتاعك

    (نور عشان رقيقة سكتت وماعرفتش ترد على احمد وانتهت المحاضرة )

    اثناء خروج الطلبة من المدرج...احمد حب يستظرف بس بطريقة غبية شوية

    احمد وسط حشد من الطلبة بنات وولاد
    وكأنهم قطيع من المواشي
    هررررررررررررررررررر...وضحكته سمعت كل اللي ماشي


    (نور بتحكي مع زميلتها من كلية تانية على احمد )

    نور : بصي يا هالة الولد ده....فضيحة فضيحة يعني...وحكتلها على اللي حصل

    هالة : تلاقيه شاب تحفة...مش باين عليه استايل خالص..ده لابس بدلة وكرافت

    نور : بس تعرفي شكله وسيم اووووي...حاسة انه طيب وعلى سجيته

    هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا

    نور:يا ستي سيبك

    هالة: على رأيك

    خلص اول يوم في الجامعة وقبل النهاية بدقايق

    احمد: يا استاذة يا انسة فين المحاضرة عايز انقلها هاتيها يلا يلا بسرعة

    نور : تنقل ايه يابني دي عشر ورقات غير في رسومات وجداول

    احمد :ومالهم يعني عشر ورجات انتي هتخلفي وعدك ولا ايه

    نور : انا مقلتش كده بس في حاجة اسمها تصوير..اسرع يعني

    احمد: هههههههههههههههههه اصور ايه بخطك الزفت ده..شوفي ...زفت

    نور: حقيقي انا غلطانة وكلام هالة باين عليه صح...بعد اذنك..اوف

    سابته ومشيت .....وقال

    احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

    عاوزين تعرفوا اليوم اللي بعده حصل في ايه

    تابعوا معايا بقى قصة حب احمد وخلاص ونور البنت الاستايل



    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في الجمعة يناير 30, 2009 10:04 pm

    عجبتكم اكمل باقى الحلقات ولا كفاية كدة

    admin
    Admin
    Admin

    ذكر
    عدد الرسائل : 418
    العمر : 30
    العمل/الترفيه : طالب قرب /تحت المطر
    المزاج : يعشق الحياه وحبيبه
    مساهمه : 0
    مشاركه : 17679
    تاريخ التسجيل : 31/12/2008

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف admin في السبت يناير 31, 2009 12:45 am

    كمل يارمزي


    _________________
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في السبت يناير 31, 2009 12:51 am

    الحلقه التانيه


    وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها

    وتعالوا نشوف الايام والحياة الجامعية هتعمل ايه في احمد وهيتعامل معاها ازاي

    كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين

    احمد: ديب ديب ديب انتوا يا ناس يللي هنا...افتحوا الباب

    الساعي : يا فتاح يا عليم يا رزاق يا كريم

    احمد: ماترش ميا يا راجل قصاد المدرج عشان تستفتح

    الساعي:يا كابتن المحاضرة لسة الساعة 8 مفيش دخول دلوقت

    احمد:هدخل يعني هدخل..عليا النعمة هدخل هاااا

    الساعي: قفل الباب في وشه ودخل جوا

    احمد : يا ابن الدزمة انت هتضيع عليا المحاضرة شكلك

    احمد: اما اروح اجيب كوباية شاي سخن مولع

    الراجل: تؤمر بأيه يا فندم

    احمد : شاي خمسينة بنعناع

    الراجل: ايه ايه...مفيش نعناع

    احمد: ومفيش نعناع ليه

    الراجل : هو كده مفيش نعناع على الشاي ..النعناع لوحده

    احمد :طيب هات نص كوباية شاي ونص كوباية نعناع

    الراجل: خد فلوسك اهي

    احمد:طب والشاي ابو نعناع فين

    الراجل:اوووف

    احمد:اوووف على دماغك...ابن دزمة صحيح


    كان فات حوالي ساعة ونص وهو واقف في الكافتيريا عشان يشرب شاي

    قرر انه يرجع للمدرج عشان يلحق مكان وبالفعل حجز مكان وخرج تاني عشان

    يجيب شاي من كافتيريا تانية...ونجح انه يجيب المرة دي ..دخل المدرج وفجأة

    لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

    احمد : بصوت لا يطاق....ايييييييييه ده يا هانم...هي وكالة من غير بواب

    نور :وطي صوتك من فضلك انا بتكلم بهدوء وبأدب

    احمد:هي دي طريجتي..عاجبك ولا مش عجباك

    نور:طيب انا مش هقوم

    احمد: هروح للعميد يجي يقومك

    نور:ههههههههههههههههههه

    احمد:بتضحكي على ايه يا باردة

    نور: لم نفسك

    احمد: شايفاني مبعتر في الارض ولا اييييييييه

    نور: مش هتحضر...هههههههههههههه

    احمد :عليا الطلاج لأحضر غصب عنك وعن عين اهلك....


    وفجأة سمع صوت الدكتور بيناديله

    ونكمل الحلقة الجاية ان شاء الله

    أكمــل ولا لأ

    admin
    Admin
    Admin

    ذكر
    عدد الرسائل : 418
    العمر : 30
    العمل/الترفيه : طالب قرب /تحت المطر
    المزاج : يعشق الحياه وحبيبه
    مساهمه : 0
    مشاركه : 17679
    تاريخ التسجيل : 31/12/2008

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف admin في السبت يناير 31, 2009 12:28 pm

    كمل يارمزي


    _________________
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في السبت يناير 31, 2009 3:42 pm

    كل حلقة فى يوم ممكن تتفرج على الاعادة بليل
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في السبت يناير 31, 2009 7:05 pm

    يالا بسرعه على الحلقه التالته




    وقف الدكتور بكل ثقة...وبص على الطلبة كلهم

    من بين كل الطلبة وقعت عينه على احمد وهو مكشر

    الدكتور:مالك يابني مكشر من اول السنة ليه كده

    احمد :لو سمحت معاك نمرة محمول العميد

    الدكتور : ههههههههههه ايوة ليه

    احمد : عاوز اقدم شكوى في البت دي

    نور :متقولش بت

    احمد :هجول بت وستين بت كمان قومي يلا

    الدكتور : بس بقى اخرس شوية يا اما هطردك

    احمد : انا ...تطردني ليييييييه هاتلي مكان سعادتك

    الدكتور : تعالى اعد جنبي هنا على الكرسي ده

    احمد : وااه...اجعد جنبك مرة واحدة يا داكتووور

    الدكتور :ايوة تعالى

    وهو نازل راح وقع الكتاب بتاع نور ورمى اقلامها

    راحت نور ضربته على ضهره..قال ااااااااااااه

    وصوته سمع المدرج كله والكل فضل يضحك عليه


    الدكتور : اطلع برا يلا...مش هتخضر المحاضرة

    احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس

    وهو خارج رمى عينه على نور ولمح فيها نظرة عطف جميلة

    بعد ما المحاضرة انتهت...نور خرجت لأ حمد

    نور :بجد انا اسفة اوووي

    احمد : على ايه بقى ما المحاضرة خلاص

    نور : خد المحاضرة بتاعتي انقلها وانا هستناك

    احمد : بجد بتتكلمي بجد

    نور : ايوة مع انهم اكتر من عشر صفحات بس هستناك

    احمد : متشكر يا مازمازيل نورة

    نور : لأ قول نور بس احنا اصدقاء وابتسمت ومشيت

    احمد عمال ينقل وعمال يقول في سره...خطها زي الزفت

    بس شكلها طيبة جوي....الخط مش كل حاجة في الانسان يعني

    احمد لمح نور وهي جاية وبتبتسم بخجل

    ووووووونكمل الحلقة اللي جاية

    admin
    Admin
    Admin

    ذكر
    عدد الرسائل : 418
    العمر : 30
    العمل/الترفيه : طالب قرب /تحت المطر
    المزاج : يعشق الحياه وحبيبه
    مساهمه : 0
    مشاركه : 17679
    تاريخ التسجيل : 31/12/2008

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف admin في السبت يناير 31, 2009 7:18 pm

    مش بقولك رمزي
    كمل


    _________________
    avatar
    rana alaa
    صديق علي حق
    صديق علي حق

    انثى
    عدد الرسائل : 149
    العمر : 26
    العمل/الترفيه : فى شارع الحب
    المزاج : رومانسيةوعايشة في حرية من غير حبيب ولا قلب حزين
    مساهمه : 0
    مشاركه : 17480
    تاريخ التسجيل : 31/12/2008

    رد: يوميات واحد وخلاص بيحب بنت ستايل

    مُساهمة من طرف rana alaa في السبت يناير 31, 2009 7:37 pm

    كمل يا بنى
    بتقطع ضحكتنا ببقي بضحك ومرة واحدة ببقي عاوزة اجيبك و............. ولا بلاش بقي لحسن تزعل هههههههههههههههه يلا كمل
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في السبت يناير 31, 2009 8:00 pm

    خلاص هاكمل
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في السبت يناير 31, 2009 8:09 pm

    انا شايف ان الحلقه التالته صغيره

    علشان كده هاعملكم تخفيض

    وهاضيف الحلقه الرابعه بالمره





    يلا على الحلقه الرابعه



    بعد ما الدكتور طرد احمد من المحاضرة بسبب نور

    وخرج زعلان خالص ونور صالحته وقالتله خد المحاضرة انقلها

    واثناء ما كان بينقلها وبيقول خطها وحش بس هي طيبة كانت هي جاية بتبتسم

    نور : احمد انت خلصت المحاضرة

    احمد : لأ لسة انا في اول صفحة مش عارف اجرا الكلمة دي

    نور قرتله الكلمة

    نور : اوكي كمل انا هستناك

    احمد :لا لا انتي لازم تروحي دلوقتي عشان انتي اتأخرتي خالص

    نور : طيب والمحاضرة

    احمد : تتحرج المحاضرة

    نور ضحكت ضحكة رقيقة جدا حركت قلب احمد الاسد

    احمد : ممكن اوصلك لحد الباب...والله لحد الباب بس

    نور : اوكي اوكي مفيهاش حاجة اتفضل

    احمد : انتي في الجامعة هنا من امتى

    نور :ايه يا احمد انا في سنك لسة اول سنة

    احمد : انا عارف انا عارف

    احمد : وياترى دخلتي هنا واسطة ولا ايه

    نور : هههههههههههههههههه ...احمد مالك في ايه

    احمد : لا بهرج معاكي

    نور : تعرف انك

    احمد :اني ايه

    نور : طيب اوووي

    احمد : وانتي انسانة محترمة اه فعلا محترمة بجد

    نور : ميرسي

    احمد :يالهوي ياني انا منجلتش المحاضرة بتاعت النهاردة

    نور : ميرسي يا احمد على التوصيلة الجميلة دي منك

    احمد : انتي رايحة فييييييييييييييييين

    المحاضرة

    المحاضرة

    المحاضرة

    وووووووواشوفكم الحلقة الجاية ان شاء الله ومع يوم جديد من ايام الجامعة

    واحمد ونووووور

    وانتظروا يا أحلى شبـــاب فى الدنيا الحلقة الجاية جامده جدا

    علشان الدنيا هتتظبط مع احمد على الاخر

    واشوفكم على خـيــر
    avatar
    eimy
    نجم يحبه الاخرين
    نجم يحبه الاخرين

    انثى
    عدد الرسائل : 231
    العمر : 25
    العمل/الترفيه : على القمر
    المزاج : الفولت عالى على الاخر
    مساهمه : 0
    مشاركه : 17400
    تاريخ التسجيل : 14/01/2009

    رد: يوميات واحد وخلاص بيحب بنت ستايل

    مُساهمة من طرف eimy في السبت يناير 31, 2009 9:54 pm

    كمل يا مصطفى جمده اوى انا مشتااااااااقه
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في السبت يناير 31, 2009 10:02 pm

    حاضر يا ايمان

    admin
    Admin
    Admin

    ذكر
    عدد الرسائل : 418
    العمر : 30
    العمل/الترفيه : طالب قرب /تحت المطر
    المزاج : يعشق الحياه وحبيبه
    مساهمه : 0
    مشاركه : 17679
    تاريخ التسجيل : 31/12/2008

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف admin في السبت يناير 31, 2009 10:17 pm

    كمل يارمزي


    _________________
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في السبت يناير 31, 2009 10:55 pm

    وقفنا الحلقه اللى فاتت على ان احمد نسى ينقل المحاضره من نور

    ونور مشيت وشكرته على التوصيله

    يلا نكمل بقى

    ومن غير الوان علشان بصراحه ماليش مزاج اعمل لسه الوان فى الحلقه

    مشوها بقى كده الحلقه دى



    الحلقه الخامسه



    احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجامعة

    جرس الباب بيرن...بيرن...خبط جامد....احمد قام مخضوض وبيفتح الباب وووفجأة




    هاي..انا جارتك اللي ساكنة قصادك

    احمد : طيب وانا اعمل ايه يعني جارتي ولا مش جارتي

    جارته : تؤ...طيب قول صباح الخير..قول صباح النور..قول صباح اللي بتغني

    احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي
    جارته : انا ؟ ؟

    احمد : امال امي

    جارته : تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك

    احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة
    جارته : ايه ده ..انت بتروح الجامعة...انا بفتكرك في المدرسة

    احمد : صبرني يارب صبرني ...جولي عاوزة ايه هتأخر على الجامعة
    جارته : عندك حبة شطة

    احمد : هاا...جلتي عاوزة ايه

    جارته : شطة شطة....اللي بتخلي الاكل يوحوح

    احمد : لا انا مش بحبش اوحوح عن اذنك...وقفل الباب ولبس بسرررعة ونزل


    ركب الاتوبيس

    احمد : الاجرة بكام لو سمحت يا اخينا

    رد شاب ستايل...ههههههههه ايه اخينا دي دي كلمة قديمة موت

    احمد : ماشي يا عم الجديد....بكام الاجرة

    الكمثري :بجنيه وبريزة يا كابتن

    احمد : اشمعنى وبريزة

    الكمثري : حكومة تقدر تتكلم

    احمد : خد يا عم ونزلني عند الباب الرئيسي

    احمد داااااااااخل بيجرررري....وهووووووب...خبط في بنت وقع عليها العصير

    البنت : انت غبي ...انت مبتشوفش

    احمد : هشششششششششش

    البنت : انت قليل الادب مش محترم كمان

    احمد : هسسسسسسسسسس

    احمد : انا ورايا محاضرة مش فاضيلك ...... خدي منديل اهو

    البنت : انا هوريك انا لازم ابهدلك

    البنت : يا عمرو يا وائل يا هيثم

    عمرو : مالك بيها يا تحفة

    وائل : انت لازم تتربى كويس

    هيثم : مش هتروح سليم النهاردة

    نور لمحت الخناقة من بعيد

    نور : احمد احمد في ايه

    احمد : ابعدي انتي يا نور ده طار قديم وهيخلص النهاردة

    نور : احمد دي جامعة انت ممكن تتفصل

    احمد : ومحضرش محاضرات تاني ؟

    نور : ايوة ايوة انا هروح انده الامن

    احمد : تندهي الامن يشيلوا جستي ولا ايـــه

    وفجأة الامن جه والمشكلة اتحلت والحمد لله احمد خرج سليم

    مع انه كان قدها وقدود يعني بس خاف طبعا على مستقبله



    احمد : متشكر يا نور جوي

    نور : ده اقل واجب يعني

    احمد : انتي عملتي الواجب صح

    نور : واجب ايه يا احمد هو احنا في مدرسة

    احمد : ههههههههههه اصلها فاكراني في المدرسة

    نور : هي مين دي

    احمد : اللي عاوزة الشطة

    نور : انا مش فاهمة حاجة يا احمد

    احمد : انتي بتحبي توحوحي

    نور : هههههههههههههههههههه

    احمد : هههههههههههههههههههه

    نور: تعرف يا احمد ان دمك خفيف اوي

    احمد : ربنا يخليكي انا مش بجدر على الكلام ده

    نور : هو انا قلت حاجة يا احمد

    احمد : ايوة دمي خفيف وحلو ومسمسم والكلام الكابير ده

    نور : ههههههههههههههههههههههه

    احمد : بتضحي على ايه عاد

    نور : ههههههههههههههههههههههه

    احمد : يــوه يــوه يــوه

    نور : المحاضرة هتبتدي يا احمد يلا نحضر

    احمد : ماتيجي نتمشى شوية في الحديقة وبلاش المحاضرة

    نور : بجد ...طيب يلا

    احمد : ال حديقة ال....يلا يا هانم نلحج المحاضرة انا حاجزلك جنبي


    احمد دخل لقى اتنين اعدين مكانه هو ونور

    ووووووووووووووووووووووووووو

    أشوفكم الحلقة الجاية الحلقة السادسة ان شاء الله

    وعايز رأيكم فى الحلقه

    admin
    Admin
    Admin

    ذكر
    عدد الرسائل : 418
    العمر : 30
    العمل/الترفيه : طالب قرب /تحت المطر
    المزاج : يعشق الحياه وحبيبه
    مساهمه : 0
    مشاركه : 17679
    تاريخ التسجيل : 31/12/2008

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف admin في السبت يناير 31, 2009 11:08 pm

    احمد مني
    لقي مهاااااااااااااا


    _________________
    avatar
    ????
    زائر

    رد: يوميات واحد وخلاص بيحب بنت ستايل

    مُساهمة من طرف ???? في الأحد فبراير 01, 2009 2:50 am

    جميلة اوووووووووووي بجد
    avatar
    ????
    زائر

    رد: يوميات واحد وخلاص بيحب بنت ستايل

    مُساهمة من طرف ???? في الأحد فبراير 01, 2009 2:51 am

    بس كمل بسرعه
    avatar
    البرنسيسه
    نجم يحبه الاخرين
    نجم يحبه الاخرين

    انثى
    عدد الرسائل : 341
    العمر : 24
    العمل/الترفيه : رايقه
    المزاج : عالى
    مساهمه : 0
    مشاركه : 17466
    تاريخ التسجيل : 24/01/2009

    رد: يوميات واحد وخلاص بيحب بنت ستايل

    مُساهمة من طرف البرنسيسه في الأحد فبراير 01, 2009 11:43 am

    جميله جدااااااااااااااااا يا مصطفى بجد عجبتنى اوووووووووى
    يالا بقه كمل الباقى
    avatar
    eimy
    نجم يحبه الاخرين
    نجم يحبه الاخرين

    انثى
    عدد الرسائل : 231
    العمر : 25
    العمل/الترفيه : على القمر
    المزاج : الفولت عالى على الاخر
    مساهمه : 0
    مشاركه : 17400
    تاريخ التسجيل : 14/01/2009

    رد: يوميات واحد وخلاص بيحب بنت ستايل

    مُساهمة من طرف eimy في الأحد فبراير 01, 2009 12:25 pm

    حلوه جوى ههههههههههههههه هو انا اتعديت ولا جيه بس كنت عايزه اعرف انتا اللى كتبها ولا نقالها اصل الاسلوب حلو جوى
    avatar
    nosa
    صديق علي حق
    صديق علي حق

    انثى
    عدد الرسائل : 102
    العمر : 24
    العمل/الترفيه : طالبه
    المزاج : رايقه على الاخر
    مساهمه : 0
    مشاركه : 17361
    تاريخ التسجيل : 31/01/2009

    رد: يوميات واحد وخلاص بيحب بنت ستايل

    مُساهمة من طرف nosa في الأحد فبراير 01, 2009 7:49 pm

    والنبى يا جامعه عاوزه اسال سؤال هو احمد ده منين
    بوظلى قاموس العربى خاااااااااااالص
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في الأحد فبراير 01, 2009 8:23 pm

    احمد دة واحد من بلد واقول اسمها فى القصة اوك
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في الأحد فبراير 01, 2009 8:35 pm

    الحلقه السادسه



    احمد دخل لقى اتنين اعدين مكانه هو ونور

    دي كانت نهاية الحلقة اللي فاتت يا شباب

    ويارب الحلقة دي تعجبكم ومطولهلكم شوية اى خدمه عدوا الجمااااااايل بس

    احمد : ايه يا كابتن انت وهو انا حاجز المكان ده من بدري

    انت حاجز صالة ولا بلكون

    احمد : لأ حاجز حمام يا خفيف

    هو انت فاكرني شاي ولا ايه

    احمد : ايوة شاي ومتاخدش في ايدي غلوة كمان

    انت باين عليك متعرفش الكابو هيثم

    احمد : وانت باين عليك متعرفش احمد ابن عم هريدي عمدة القرية

    ههههههههههههههههههههههههههه

    احمد : بتضحك على ايه يا ابن الدذمة

    ودخل احمد في عراك وكأنه عراك بين الديوك ونور مش عارفة تعمل ايه

    غير انها جابت النوت بوك بتاعها وفضلت تضرب مع احمد

    احمد : اي اي ايه يا نور دي دماغي انا

    نور : سوري يا احمد مكنش قصدي بجد

    احمد : اخرجي انتي برا وايه الجلم الرصاص اللي بتضربي بيه ده

    نور : انا لازم اموته لازم اكسره


    وفجأة

    دخل الدكتوووووووووور

    الدكتور : في ايه يا ابني انت وهي وهو

    احمد : هجطعه

    الدكتور : تقطع مين يابني ...احنا في جامعة

    احمد : جامعة مش جامعة هجطعه

    نور : ايوة احنا هنجطعه

    الدكتور : تعالوا برا انت وهي

    احمد : لأ والنبي يا داكتور الجو ساجعة برا جوي

    الدكتور : اطلع بقولك

    نور : يلا يا احمد

    احمد : يلا ايه وزفت ايه ...هو احنا رايحين نتفسح

    وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

    احمد : انا مروح يا نور

    نور : لأ خليك اعد معايا شوية

    احمد : لأ يا نور انا مروح

    نور : انا عايزة اتكلم معاك

    احمد : بكرا ان شاء الله نتكلم كتير...ماهو كده كده مش هحضر بكرا برضه

    نور : انت بتحب الماحضرات ليه يا احمد

    احمد : انا جاي مصر عشان اتعلم يا نور مش عشان اتنزه

    نور : انا عارفة انك شاب مش فاضي من جواك

    احمد : ربنا يخليكي يا نور

    نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي

    احمد : ماتجولي معفن احسن يا ست نور

    نور : انا مش اقصد خالص

    احمد : ولا تقصدي...انا جيت مصر غلط من اساسه دي مش بيئتي ولا دي حياتي

    نور : انا اسفة

    احمد : انا اللي اسف ....عن اذنك

    وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين

    نور حاولت تتصل باحمد عن طريق جارته

    نور : الو ممكن اكلم احمد جار حضرتك

    الجارة : احمد مين يا انسة

    نور : احمد جارك

    الجارة : اااه تقصدي حمادة ميدو مودي

    نور : انتي مسمياه كده

    الجارة : هو بيحبني اووي اقوله كده

    نور : طيب كويس ممكن تناديه

    الجارة : احمد احمد احمد احمد

    احمد احمد احمد احمد

    احمد : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل

    الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى

    احمد : اخلصي يا ست عاوزة ايه مني وليه بتخبطي في وقت زي ده

    الجارة: تليفون عاوزك

    احمد : والتليفون عاوزني في ايه

    الجارة: هههههههههههههههه جتك ايه يا موودي يا سكر
    اقصد حد عاوزك على التليفون


    احمد : ابوووووووويا جراله ايه انطجي قولي

    لأ لأ ده صوت واحدة

    احمد : امي امي اما مالها مالها

    الجارة : ده صوت جثة

    احمد : ههههههههههههههههههههههه

    احمد : والجثة هتتكلم ازاي يا ام مخ تاخين

    تعالى ورايا يا مووودي وانا اخليها تنطق وتتكلم

    احمد : طيب يا وش المصايب

    نور سمعت ضحك احمد ويا جارته دي ...وقفلت السكة

    احمد : الو الو ...الو الو

    احمد : هههههههههههههههههههههههههه

    احمد : الجثة مش راضية تنطق...ده باين كده الجثة ماتت
    هههههههههههههههههههههههههههههههههه

    ونكمل الحلقه اللى جايه
    avatar
    ????
    زائر

    رد: يوميات واحد وخلاص بيحب بنت ستايل

    مُساهمة من طرف ???? في الأحد فبراير 01, 2009 9:21 pm

    الله ينور ياصاحبى اسلوك جامد جدا
    avatar
    مصطفى محمد فتحى
    نجم يحبه الاخرين
    نجم يحبه الاخرين

    ذكر
    عدد الرسائل : 469
    العمر : 26
    العمل/الترفيه : كرة قدم
    المزاج : كويس
    مساهمه : 0
    مشاركه : 17463
    تاريخ التسجيل : 22/01/2009

    البدايه
    الاول:
    3/3  (3/3)

    رد: يوميات واحد وخلاص بيحب بنت ستايل

    مُساهمة من طرف مصطفى محمد فتحى في الإثنين فبراير 02, 2009 2:43 am

    هاى عليكم انا يا ايمان مش كاتبها لواحدى معايا واحد صاحبى كتب شوية
    وميرسى لكل اللى شكر فى الاسلوب

    ها اكمل ولا زهقتوا

      الوقت/التاريخ الآن هو الأحد يوليو 22, 2018 8:39 am