انت صديقى مش كده طب جاوبنى على سؤالى

السلام عليكم ورحمة الله وبركاته
كلنا هنا فى منتدانا نريد ان نتعرف على بعض ونسعى بكل الوسائل ان نتقرب من بعض وكل واحد بيحاول يقول فكرة فى موضوع عشان نقرب بيها من بعض اكتر طيب انا عندى فكرة انا نفسى اعرف كل واحد فيكوا واعرف ايه يفرحوا وايه يزعلوا وايه اللى بيحبه وايه اللى مش بيحبه
باختصار عايز اعرف صاحبى عشان كده جتنى الفكرة دى وهى ان احنا نختار واحد ونوجه ليه اسئلة مش تحرجه ولكن يعرفنا بيها نفسه وبعد ما يعرفنا نفسه يختار هو واحد تانى ونوجه ليه اسئلة برده ويعرفنا بنفسه كويس وهكذا لحد ما كل الناس تعرف بعضها كويس هى الحكاية دى مش جديدة ومش فكرة عبقرية او انا مخترعها بس هى فكرة عشان نعرف بعض اكتر واول واحد هيخش يرد عليا يكون هو اللى من حقه يختار اول واحد نسأله

اوكى
لو موافقين يالا نبدأ لو مش موافقين قوليلى بصراحة وهخلى ادمين المنتدى يحذف الموضوع


تقبلوا تحياتى


اللمبى

اوكى
مصطفى
انتا بتحب حد هنا فى المنتدى ؟؟؟؟؟؟ لو بتحب حد اكتب اول حرفها بس؟؟؟؟؟؟؟؟

يا ريت يا ياسمين ميكنشي سؤال واحد قولى كل الى في نفسك لية علشان نعرفة اكتر واكتر وميرسي ليك يا لمبي وانشاء الله من موضوعك دة نتقرب كلنا من بعض

اوك يا محمد اتفضل اسال بس يارب اللى بتسال عليه يكون هنا

ايه يا جماعة انتوا ليه مش بتختاروا حد
انا بقي هسأل ميدو الاهلاوي
انت ايه اكثر جاجة بتحبها واكثر حاجة بتكرها وأيه أكثر عيب أنت شاىفة في نفسك وعندك أستعداد انك تصلحه ولا مش هتقدر وايه اكثر الصفات اللي مش بتحب أنها تكون في صديقك و أيه معني الحياة بالنسبة لك عندك هدف و لا لأ و لو عندك هتحارب علشان توصله و لا هتسيبها للظروف وأيه أهم حاجة لك في حياتك أيه أكثر هدية ممكن تسعدك ومن هو مثلك الأعلي في الحياة
انا كده خلصت أسئلتي وبجد بشككر محمد جدا علي الموضوع الجامد كل موضوعاتك جامدة

اكتر حاجة بحبها الصداقة
اكتر حاجة بكرها الغباء
اكتر عيب شايفه في نفسي النسيان و التريقة علي خلق الله
بس للاسف مابقدرش امسك نفسي من غير ما اضحك
اكتر الصفات اللي بكرها في اصحابي الغتاتة بس الحمد لله مفيش حد فيهم غتت
الحياة بالنسبة لي ................
عندي هدف وان شاء الله هاوصله
اهم حاجة في حياتي هي عيلتي
اكتر هدية ممكن تسعدني كلمة شكرا
مثلي الاعلى في الحياة المايسترو ابو تريكة لانه بجد انسان بمعني الكلمة








الف شكر يا لمبي علي الموضوع لانه فعلا بيقربنا من بعض ويخلينا نعرف بعض اكتر

السؤال لللمبي ليه بتياس بسرعة
اكتب تاريخ حياتك مع الاحتفاظ بخصوصياتك

بسم الله الرحمن الرحيم
بداية اشكر كل من رد واشكركم جميعا على كلماتكم الرقيقة
واشكر just 4 u على المرور الكريم
بالنسبة لأسئلة ميدو

ليه بتيأس بسرعة : اولا ياميدو انا معرفش حاجة اسمها يأس وبكره اليأس لأنه جزء من الفشل وانا بكره جدا الفشل بالعكس انا صبور جدا ومش بوصل لدرجة اليأس ابدا الا بعد فشلى الكامل فى كل المحاولات

اكتب تاريخ حياتك مع الإحتفاظ بخصوصياتك : العبد لله يبقى محمد سعد عبد العليم - خريج من كلية الاداب قسم حضارة اوروبية قديمة منذ حوالى 3 اعوام- الان اعمل رئيس قسم تصميمات بمطابع ابراهيم الهلالى - كنت فى جوالة اداب عين شمس وكنت مساعد قائد العشيرة فى اخر سنة ليا فى الجامعة - حالياً خاطب وعلى وش جواز زى مابيقولوا ( ادعولى ) - احب الحياة واحب خطيبتى لدرجة لا احد يتخيلها - اهدافى فى الدنيا اربعة اهداف ( رضاء ربى على - رضاء والدى على - الزواج من خطيبتى واسعادها فى حياتها وان ربنا يرزقنى بالذرية الصالحة - ان اصل لأعلى المناصب فى عملى بمجهودى وتعبى مش بالكوسة . اما عن صفاتى الشخصية فالعبد لله من صفاته التى اراها سيئة هى انى عصبى المزاج جدا . بالنسبة لى الزيف والخداع والنميمة من اكثر الصفات التى اكرهها فى حياتى - اقدس الحياة الزوجية واحب الحياة الاجتماعية واذا وجدت لدى صديق حقيقى فاتفانى فى صداقته ولا انتظر الرد لأنى احب الصداقة جدا - مبدئى فى الحياة ( افعل ماشئت كما تدين تدان ) - اخاف من الاحراج واخاف من ان اقابل وجه كريم وانا عاصى

بس ياعم ده تقريبا ملخص مصغر لحياة اللمبى

شكرا على ردك ياميدو

لى تعقيب بسيط : لكل من يمر على الموضوع نحن سنختار واحد نسأله كل الاعضاء يسألوه وبعد ما يخلص العضو اللى بيتسأل هو اللى يختار اللى بعده عشان كده مش هختار حد دلوقتى عشان لو فى حد عايز يسألنى حاجة تانية وبعد كده هختار واحد ونسأله كلنا


تقبلوا تحياتى



اللمبى

بندعيلك يا محمد و يا رب يكرمك و يتمم لك علي خير بس أبقي أعزمنا
هل حياة الجوالة كانت مفيدة بالنسبة ليك وهل أضافت لشخصيتك و أذا كانت أضافت أضافت أيه
ليه دائما بحس أن ردودك علي بعض المواضيع أو بعض الردود حاااااااااااد جدا

بسم الله الرحمن الرحيم

شكرا على ردك الرقيق يا د كريمة

وان شاء الله كلكم طبعاً معزومين دى مش عايزة كلام

اما بالنسبة لأسئلتك فهى
هل حياة الجوالة كانت مفيدة بالنسبة ليك وهل أضافت لشخصيتك و أذا كانت أضافت أضافت أيه

اولا لازم نعرف ان اى انسان فى الدنيا بيمر بتجربة فى لازم يكون فيها جانب ايجابى وجانب سلبى اما بالنسبة لأن الجوالة فادتنى ولا لأ فهى فعلا فادتنى واضافت لشخصيتى الكثير من الامور منها على سبيل المثال انها جعلت منى شخصية تستطيع التحدث الى الاخرين بسهولة وفهم تفكير الاخرين واختيار كلماتى فى التعبير عما يدور بداخلى بالاسلوب اللى يقدر اللى قدامى يفهمه ودى صفة مكنتش فيا تانى حاجة اضافتها الجوالة ليا انها خليتنى احكم عقلى فى امور كثيرة واسيطر على اعصابى وانفعالاتى وان لو ليا حق مش هاخده بالصوت العالى لأ هاخده بالعقل والحكمة ودى برده حاجة مكنتش فيا


ليه دائما بحس أن ردودك علي بعض المواضيع أو بعض الردود حاااااااااااد جدا


متهيألى ان ده مش صحيح ولكنى صريح شوية فى ارائى الامر اللى ممكن يبين انى حاد جدا فى ردى لكن بالعكس انا احب الرأى والرأى الاخر

مرة أخرى اشكر على ردودك ودعواتك لى

تقبلوا تحياتى


اللمبى

ياااااااااااااااااااااااااااااااااااااااارب
يتمم لك علي خير ويرزقك بالذرية الصالحة ان شاء الله
لانك فعلا شخص تستحق كل خير

صح يا ميدو ان اللمبى يستحق كل خير بجد لانى بحبه جداااااا و بعتبره اخويا الكبير
و بالنسبه للسوال الى سالته لمصطفى مردش عليه ليه
يا ريت تختاره شخصيه تانى و تسالوها اسئله لانى بحب الموضوع ده اووووووووووووى
بيعرفنى اكتر عليكو
احب اشكرا اللمبى على الموضوع الجميل ده و ربنا يخليه و نحب نقوله مستنين كل جديد منك

ممممممممممم
انا لسه مش سالت

ايه اكتر المواقف اللي ضاييقتك في حياتك وكنت هتجنن منها
وايه اكتر المواقف اللي شفتها في حياتك كنت هتطير من الفرحه
ولو قابلت شخص غتت ومش قادر تتكلم معاها ولا تاخخد منه حق ولا باطل هتعمل ايه

بسم الله الرحمن الرحيم

اشكركم جميعا على مشاعركم الطيبة دى وردودكم الجميلة ويارب اكون عند حسن ظنكم دايما

بالنسبة لأسئلة محمود

ايه اكتر المواقف اللي ضاييقتك في حياتك وكنت هتجنن منها ؟

المواقف كتير يامحمود وانت عارف معظمها بس اكتر موقف المنى وخلانى فعلا اتجنن موقف انا فيه دلوقتى هيجننى وطير النوم من عينى ( ادعيلى يعدى الموقف ده على خير ) وعذرا ياجماعة انا مش هقدر اقول الموقف ده.


وايه اكتر المواقف اللي شفتها في حياتك كنت هتطير من الفرحه ؟

برده مواقف كتير بس اسعدهم واسعد لحظة فى حياتى يوم خطوبتى 26 / 2 / 2008 ده كان اسعد موقف فى حياتى وكنت هطير فيه من الفرحة .


ولو قابلت شخص غتت ومش قادر تتكلم معاها ولا تاخخد منه حق ولا باطل هتعمل ايه ؟


هعمل معاه زى ما المثل بيقول خير رد على السفيه الصمت لأنه وقتها مش هيكون فى لغة حوار بينى وبينه وانا مش هضيع وقتى مع واحد مش قادر اتكلم معاه عندى اللى اهم من انى اضيع وقتى معاه فيه .


شكرا لأسئلتكم واعتقد كده انا خدت فترة كبيرة اوى ومن حق الاعضاء انهم يبدأوا يسألوا شخصية جديدة وانا وقع اختيارى على شخصية هى




محمود سيف


وانا هسأله سؤال أو اتنين


محمود انت مريت فى حياتك بتجربة تقريبا كانت اصعب تجربة مريت بيها فى حياتك والتجربة دى اثرت فيك اوى بس ياترى انت طلعت من التجربة دى متعلم فيها الدرس اللى كان فيها ولا لأ ولو الامر ده اتكرر معاك تانى هتعمل ايه ؟


شايف انك دلوقتى اد مسئولية ارتباط وخطوبة ولا شايف انك لسه ادامك كتير عقبال لما تبقى قادر على تحمل المسئولية ؟



تقبلوا تحياتى


اللمبى

السلام عليكم ورحمه الله وبركاته
انا بجد نفسي اتكلم في الموضوع ده من زمان
انااكتر حاجه بتضايقني من الصاحب انه ميكنش صاحب بجد
او ميقدركش او ميعرفش يعاملك ازاي قدام الناس
واكتر حاجه كمان الخيانه سواء من ولاد او من بنات وبكل انواعها
وليه تبقي خاين.ليه متبقاش حد كويس يحب الناس تعرفك وتتقرب منك
ومن اكتر الاشياء مضايقتا بالنسبالي هو النفاق
يعني الكلام في وشك غير الكلام قدامك
ليه متكنش صاحب بجد
يعني صاحب وقت الشده
زي ما انت صاحب وقت الفرح
ليه متكنش جاد في كلامك
ليه متكنش انسان مهذب الخلق
ليه انا اصلا اخترت صاحبي ده
انا اصلا اللي غلطان
بس علي فكرة انا اصلا بحب معرفه الناس اوي
وعلشان كده انا حبيت اتعرف عليكم
وان شاء الله نتواصل سويا
عاوزكو تضيفو ايملي
monsieurhamada@yahoo.com
علشان نقرب اكتر من بعض
والسلام ختام
مسيو حماده

محمود انت مريت فى حياتك بتجربة تقريبا كانت
اصعب تجربة مريت بيها فى حياتك والتجربة دى اثرت فيك اوى بس ياترى انت
طلعت من التجربة دى متعلم فيها الدرس اللى كان فيها ولا لأ ولو الامر ده
اتكرر معاك تانى هتعمل ايه ؟
ايون يالمبي كانت اصعب تجربه في حياتي فعلا وانت تقريبا حضرت معظمها واللي تقريبا استنبطته من اللي حصل الحمد لله قدر الله ماشاء فعل واتعلمت منها كتير اووووووووووووووووووي وكمان انت خلتني اقدر اقف علي رجلي تاني ساعتها واني اقاوم كل شئ واكون اد المسئوليه بجد
ولو الشئ اتكرر تاني معايا خلاص بقي عندي حصانه ومناعه
كلمه انت دايما بتقولها اذا اردت شيئا بقوه فاطلق سراحه فان عاد اليك فهو ملكك وان لم يعد فهو لم يكن لك من البدايه
الجديد بقي في حياتي انه لو وقعت في مطب مش مهم الاهم ان تقدر تقوم وتبقي اقوي من الاول وتتعلم منه ومتقعشي تاني

شايف انك دلوقتى اد مسئولية ارتباط وخطوبة ولا شايف انك لسه ادامك كتير عقبال لما تبقى قادر على تحمل المسئولية ؟

بص يالمبي هو الارتباط والمسئوليه بدايته دلوقتي وانا لو مش قادر اخد الخطوه ديه دلوقتي مكنتش خدتها تاني وانت عارف انا بااسي منها اد ايه