خايف أصدق نفسي وأشوف إن الدنيا بتضحك ليا
خايف أعيش في الوهم وأطوف وألقى الدنيا تبكى عليا
خايف أصدق إن حياتي نسيت جرحى ودمع عنيا
خايف أزرع بستان فرحى وألقى الشوك بتضمه ايديا
خايف والله حقيقي أنا خايف
نفسي الخوف تنساه لياليا
ومشيت وحدي وعمال أدور
عـ اللي هـ اصدق نفسي معاه
ولقيت قلب وحيد بيشاور
يمكن هواه اللي اتمناه
روحت إليه ومشيت وأنا خايف
لا ألقى الصد ومر جفاه
وأما لمحت الدمع فعينه
وانين قلبه سمعت صداه
ضميت ايده واخدته في حضني
وقلت تعالى وننسى الآه
قالي أنا خايف أصدق نفسي
قلت أنا زيك لو ننساه
ننسى الخوف ونعيش أيامنا
ونشبع حبا ونقول الله
بص بطرف عيونه ضحك لي
وأنا من فرحى ضحكت معاه
خدته في حضني وتحت جناحي
وبحر الحب وصلنا مداه
عومنا في بحر الحب ثواني
وملينا كاسنا وشربناه
» قصه مرعبه خلي بالك
» الولد وشجرة التفاح
» فوازير وحلها
» عيد ميلاد نواره المنتدي
» تــــــــــــــــــرحــــيـــــــــــــــــب
» حبة رومانسية
» احن لطفولتي
» الكافية الملعون